Trilogiaren bigarren liburua plazaratu du Aingeru Epaltzak

Izan bainintzen Nafarroako errege eleberriak (Elkar) eman dio segida Mailuaren odolak hasitako trilogiari. Parisera abiatu da Henrike Nafarroako printzea eta higanoten burua, Frantziako errege katolikoaren arreba Margaritarekin esposatzera, eta berarekin darama Joanes Mailu, sinesmenez erresumaren zerbitzari leialena eta eitez printzearen berdin-berdina, Albret eta Borboitarren sasiko odola baitabil haren zainetan.